غیر ملکی میڈیا کے مطابق افغانستان کی نیشنل ڈیزاسٹر منیجمنٹ اتھارٹی کے ترجمان نے بتایا ہے کہ ملک میں موسمِ سرما کی پہلی بارش ہوئی ہے، جس کے نتیجے میں طویل خشک موسم کا خاتمہ ہوا، تاہم شدید بارشوں اور برف باری کے باعث سیلاب نے مختلف علاقوں میں تباہی مچا دی۔
وفاقی کابینہ نے اسلام آباد میں بلدیاتی انتخابات ایک بار پھر ملتوی کرنے کی منظوری دے دی
ترجمان کے مطابق سیلاب کے باعث کم از کم 17 افراد جاں بحق اور 11 افراد زخمی ہوئے ہیں۔ شدید بارشوں اور سیلاب سے افغانستان کے وسطی، شمالی، جنوبی اور مغربی علاقوں میں معمولاتِ زندگی بری طرح متاثر ہوئے ہیں۔
حکام کا کہنا ہے کہ سیلاب کے نتیجے میں انفرااسٹرکچر کو نقصان پہنچا ہے، جبکہ کئی مویشی بھی ہلاک ہو گئے ہیں۔ متاثرہ علاقوں میں امدادی کارروائیاں جاری ہیں اور نقصانات کا تخمینہ لگایا جا رہا ہے۔
