ایڈیشنل آئی جی کراچی جاوید عالم اوڈھو نے اورنگی ٹاؤن میں منعقد ہونے والے سالانہ تبلیغی اجتماع کا دورہ کیا۔ اس موقع پر ایس ایس پی ویسٹ اور دیگر سینئر پولیس افسران بھی ان کے ہمراہ موجود تھے۔
قائدآباد پولیس کا کامیاب آپریشن 3 منشیات فروش گرفتار 1.16 کلو چرس برآمد
دورے کے دوران ایڈیشنل آئی جی نے اجتماع گاہ کے سیکیورٹی انتظامات اور امن و امان کی مجموعی صورتحال کا تفصیلی جائزہ لیا۔ متعلقہ پولیس افسران نے انہیں سیکیورٹی پلان اور تعینات نفری کے بارے میں بریفنگ دی۔
ایڈیشنل آئی جی کراچی نے اجتماع کے منتظمین سے ملاقات کر کے سیکیورٹی اقدامات پر تبادلہ خیال کیا اور ڈیوٹی پر مامور افسران و جوانوں کو فول پروف سیکیورٹی یقینی بنانے اور ٹریفک کی روانی برقرار رکھنے کی ہدایات جاری کیں۔
سالانہ تبلیغی اجتماع کی سیکیورٹی کے لیے کراچی پولیس کے 2300 افسران و ملازمان مختلف شفٹس میں ڈیوٹی انجام دے رہے ہیں۔ ایڈیشنل آئی جی نے اجتماع میں نمازِ جمعہ بھی ادا کی اور مذہبی اجتماعات کے پرامن انعقاد کے لیے کراچی پولیس کے عزم کا اعادہ کیا۔
