کراچی میں پولیس نے سیف سٹی پروجیکٹ کے کیمروں کی مدد سے جدید اسلحے کی نمائش کرنے والے ملزم کی نشاندہی کرتے ہوئے شہر میں اپنی نوعیت کا پہلا مقدمہ درج کرلیا ہے۔
کچہ میں ڈاکوؤں کے خلاف بڑی کارروائی؛ آئی جی سندھ کا پولیس ٹیم کو شاباش
ڈی جی سیف سٹی پروجیکٹ آصف اعجاز شیخ کے مطابق آئی جی سندھ نے ہدایت کی تھی کہ اسلحے کی نمائش کے خلاف کارروائی کے لیے بھی سیف سٹی کیمروں کا استعمال کیا جائے، جس کے بعد پہلی عملی کارروائی عمل میں آئی۔
ان کا کہنا تھا کہ شاہین کمپلیکس کے قریب نجی سیکیورٹی کمپنی کا گارڈ جدید اسلحہ نمایاں طور پر لے کر گھوم رہا تھا، جس کی فوٹیج کی مدد سے گاڑی کا سراغ لگایا گیا اور گارڈ کو گرفتار کرلیا گیا۔
ڈی جی سیف سٹی کے مطابق گرفتار گارڈ کے خلاف آرام باغ تھانے میں مقدمہ درج کردیا گیا ہے، اور اس اقدام کا مقصد شہر میں غیرضروری اسلحہ نمائش کی روک تھام کو مؤثر بنانا ہے۔
