سی ای او کے الیکٹرک مونس علوی نے کہا ہے کہ نیپرا کی جانب سے ٹیرف میں کی گئی تبدیلی سے کراچی کے صارفین کے نرخوں پر کوئی اثر نہیں پڑے گا۔
ایس آئی یو پولیس کی حراست میں نوجوان کی ہلاکت کا معاملہ تفتیش ایف آئی اے کے حوالے کرنے کا فیصلہ
خصوصی گفتگو میں مونس علوی کا کہنا تھا کہ سمجھ نہیں آتی نیپرا کو ڈھائی سال بعد ٹیرف تبدیل کرنے کی کیا ضرورت پیش آئی، جب کہ جولائی کے وسط تک ٹیرف کو نوٹیفائی بھی کیا جا چکا تھا۔
انہوں نے بتایا کہ نیپرا نے اپنے فیصلے میں یہ لکھا ہے کہ سوموٹو اختیار کے تحت ٹیرف میں تبدیلی کی گئی ہے، حالانکہ جولائی تک ایک ٹیرف لاگو تھا جسے بعد میں تبدیل کردیا گیا۔
مونس علوی نے مزید کہا کہ نیپرا نے جو نیا ٹیرف جاری کیا ہے اس میں کے الیکٹرک کی بجلی کی قیمت کم کر دی گئی ہے، تاہم ادارہ اس فیصلے کے تمام پہلوؤں کا جائزہ لے رہا ہے اور حکومت سے بھی مشاورت کی جائے گی۔
واضح رہے کہ نیشنل الیکٹرک پاور ریگولیٹری اتھارٹی (نیپرا) نے کے الیکٹرک کی ملٹی ایئر ٹیرف 2024 تا 2030 سے متعلق درخواستوں پر فیصلہ سنایا ہے۔
فیصلہ جنریشن، ٹرانسمیشن، ڈسٹری بیوشن اور سپلائی کے مختلف پہلوؤں پر مشتمل ہے۔
نیپرا کے مطابق، کے الیکٹرک کا اوسط ٹیرف 39.97 روپے فی یونٹ سے کم کر کے 32.37 روپے فی یونٹ کر دیا گیا ہے۔
