کراچی (اسٹاف رپورٹر) محکمہ موسمیات نے آج سے شہر قائد میں بارشوں کی پیشگوئی کر دی ہے، جبکہ موسلادھار بارشوں کے باعث اربن فلڈنگ کا خطرہ ظاہر کیا گیا ہے۔
محکمہ موسمیات کے مطابق آج سے تیز ہواؤں کے ساتھ بارش کا سلسلہ شروع ہوگا، 9 اور 10 ستمبر کو موسلادھار بارش متوقع ہے جبکہ مون سون کا یہ اسپیل 10 ستمبر تک کراچی پر اثرانداز رہے گا۔
دوسری جانب اسلام آباد میں صبح سے بوندا باندی کا سلسلہ جاری ہے اور آج دن بھر وقفے وقفے سے بارش برسنے کا امکان ہے۔ محکمہ موسمیات کے مطابق آج اسلام آباد کا درجہ حرارت 34 ڈگری تک رہ سکتا ہے جبکہ ہوا میں نمی کا تناسب 91 فیصد ریکارڈ کیا گیا ہے۔
