سابق وزیر اعظم اور بانی پی ٹی آئی عمران خان کی ہمشیرہ علیمہ خان نے انسدادِ دہشت گردی کی عدالت میں اپنے وکلا کے ذریعے درخواست دائر کی ہے، جس میں مؤقف اپنایا گیا ہے کہ عمران خان کے مکمل طبی معائنے اور خصوصاً آنکھوں کے علاج کے لیے میڈیکل بورڈ تشکیل دیا جائے۔
دریائے چناب راوی اور ستلج میں تباہ کن سیلاب فوج طلب وزیرِ اعظم نے وزرا کو متاثرہ علاقوں کے دوروں کی ہدایت
انسدادِ دہشت گردی کی خصوصی عدالت کے جج امجد علی شاہ نے درخواست کی سماعت کی۔ درخواست گزار کے وکلا نے مؤقف اختیار کیا کہ جیل میں ملاقات کے دوران عمران خان نے آنکھوں میں شدید دباؤ اور دھندلے پن کی شکایت کی۔ 73 سالہ عمران خان دو سال سے زائد عرصے سے قید میں ہیں اور ان کا آخری طبی معائنہ 4 نومبر 2024 کو ہوا تھا۔
درخواست میں کہا گیا ہے کہ متعدد بار درخواستیں دینے کے باوجود طبی معائنہ نہیں کرایا گیا، وفاقی و صوبائی حکومت کے ماتحت ڈاکٹروں پر بھروسہ نہیں کیا جا سکتا، اس لیے عمران خان کے ذاتی معالجین کو بھی میڈیکل بورڈ میں شامل کیا جائے۔
علیمہ خان نے عدالت سے استدعا کی کہ فوری طور پر اڈیالہ جیل سپرنٹنڈنٹ کو میڈیکل بورڈ بنانے کا حکم دیا جائے۔ عدالت نے جیل حکام سے جواب طلب کرتے ہوئے سماعت 29 اگست تک ملتوی کر دی۔
