بلوچستان میں سیکیورٹی خدشات کے پیش نظر موبائل انٹرنیٹ سروسز کی طویل بندش نے کوئٹہ میں آن لائن فوڈ ڈلیوری کے کاروبار کو شدید بحران سے دوچار کر دیا ہے۔ صوبے بھر میں 6 اگست سے 31 اگست تک تھری جی اور فور جی سروسز معطل ہیں، جس کے باعث صرف کوئٹہ میں اس شعبے سے وابستہ ایک ہزار سے زائد افراد کا روزگار خطرے میں پڑ گیا ہے۔
پاکستان پانی کی قلت کی عالمی حد سے نیچے، ذخائر میں اضافہ ناگزیر — پی سی آر ڈبلیو
آن لائن فوڈ ڈلیوری سے منسلک کارکنان کا کہنا ہے کہ انٹرنیٹ کی طویل بندش ان کے لیے روزگار ختم ہونے کے مترادف ہے۔ ان کا کہنا تھا کہ وہ مکمل طور پر آن لائن آرڈرز پر انحصار کرتے ہیں اور سروس معطلی نے انہیں شدید معاشی دباؤ میں ڈال دیا ہے۔
روزگار کے حصول کے لیے انٹرنیٹ پر انحصار کرنے والے افراد نے حکومت سے مطالبہ کیا ہے کہ موبائل انٹرنیٹ سروس فوری طور پر بحال کی جائے تاکہ ان کی معاشی مشکلات کم ہو سکیں۔
