راولپنڈی — پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل عاصم منیر نے امریکا کا سرکاری دورہ کیا، جہاں انہوں نے اعلیٰ سیاسی اور عسکری قیادت سے اہم ملاقاتیں کیں۔ اس دوران فیلڈ مارشل نے پاکستانی نژاد امریکی کمیونٹی سے بھی ملاقاتیں کیں اور انہیں پاکستان کے روشن مستقبل پر اعتماد رکھنے کی تاکید کی۔
کراچی: تیز رفتار ڈمپر کی ٹکر سے بہن بھائی جاں بحق، مشتعل افراد نے 7 ڈمپر جلا دیے
امریکا میں قیام کے دوران فیلڈ مارشل عاصم منیر نے ٹیمپا میں امریکی سینٹ کام کے کمانڈر جنرل مائیکل کی ریٹائرمنٹ تقریب میں شرکت کی اور ان کی خدمات کو خراجِ تحسین پیش کیا۔ وہ کمانڈ تبدیلی کی تقریب میں بھی شریک ہوئے، جہاں ایڈمرل بریڈ کوپر نے کمان سنبھالی۔
آئی ایس پی آر کے مطابق فیلڈ مارشل نے چیئرمین جوائنٹ چیفس آف اسٹاف جنرل ڈین کین سے بھی ملاقات کی، جس میں باہمی پیشہ ورانہ دلچسپی کے امور پر تبادلہ خیال کیا گیا۔ اس موقع پر فیلڈ مارشل عاصم منیر نے جنرل ڈین کین کو پاکستان کے دورے کی دعوت بھی دی۔
