وزیراعظم شہباز شریف نے وفاقی کابینہ کے اجلاس سے خطاب کرتے ہوئے آئندہ مالی سال کے بجٹ کی تیاری پر وزیر خزانہ اور ان کی ٹیم کو مبارکباد پیش کی۔ انہوں نے کہا کہ بجٹ کی تیاری میں محنت اور لگن سے کام کیا گیا اور پوری ٹیم نے قابل ستائش کارکردگی دکھائی۔
شنگھائی تعاون تنظیم اجلاس بھارت کی پاکستان مخالف سازش ناکا مشترکہ اعلامیے پر دستخط سے انکار
وزیراعظم نے اپنے خطاب میں جنوبی وزیرستان میں دہشت گردوں کے خلاف کارروائی میں شہید ہونے والے جوانوں کو خراج عقیدت پیش کیا۔ ان کا کہنا تھا کہ ’’ہم دشمن کے خلاف جنگ جیتیں گے اور وطن عزیز میں امن قائم کر کے دم لیں گے۔‘‘
وزیراعظم نے اس عزم کا اعادہ کیا کہ قوم دہشت گردی کے خلاف متحد ہے اور سیکیورٹی فورسز کی قربانیاں رائیگاں نہیں جائیں گی۔
