بلوچستان کے ضلع پشین اور سندھ کے شہر کراچی میں زلزلے کے جھٹکے محسوس کیے گئے جس کے باعث شہریوں میں شدید خوف و ہراس پھیل گیا۔
ایران کا اسرائیل پر بڑا میزائل حملہ تل ابیب میں دھماکے حیفہ کی آئل ریفائنری تباہ
زلزلہ پیما مرکز کے مطابق پشین میں زلزلے کی شدت 4.4 ریکارڈ کی گئی، جبکہ اس کا مرکز پشین سے 21 کلومیٹر جنوب مشرق میں واقع تھا، اور زلزلے کی گہرائی 12 کلومیٹر زیر زمین تھی۔ فوری طور پر کسی جانی یا مالی نقصان کی اطلاع موصول نہیں ہوئی۔
زلزلے کے جھٹکوں کے باعث شہری خوفزدہ ہو کر گھروں سے باہر نکل آئے اور کلمہ طیبہ کا ورد کرنے لگے۔
گزشتہ روز کراچی کے مختلف علاقوں میں بھی دو زلزلے محسوس کیے گئے تھے، جن کی شدت بالترتیب 2.5 اور 2.6 ریکارڈ کی گئی۔ زلزلے کا مرکز ڈی ایچ اے سٹی کے اطراف 40 کلومیٹر گہرائی میں تھا۔ مسلسل زلزلوں سے کراچی کے شہری بھی خوف و ہراس میں مبتلا ہیں۔
واضح رہے کہ یکم جون سے کراچی میں زلزلے کے جھٹکوں کی مجموعی تعداد 42 ہو چکی ہے۔
