جامعہ کراچی کے ایسوسی ایٹ پروفیسر اور ماہر ارضیات ڈاکٹر عدنان خان نے کراچی میں حالیہ زلزلوں کی وجوہات کی وضاحت کرتے ہوئے کہا ہے کہ شہر میں محسوس ہونے والے معمولی زلزلے بنیادی طور پر پانی کی گہرائی سے بورنگ اور صنعتی فضلے کو جلانے سے پیدا ہونے والی زمین کی ساخت میں تبدیلیوں کی وجہ سے ہیں۔ ان جھٹکوں کی شدت ریکٹر اسکیل پر 3.4 ریکارڈ کی گئی جو ہلکی نوعیت کے "مائلڈ ٹرمرز” کہلاتے ہیں اور ان سے کسی جانی یا مالی نقصان کا خطرہ نہیں۔
سندھ اسمبلی کی انرجی کمیٹی اجلاس میں کے الیکٹرک کیخلاف شدید ہنگامہ، حیسکو چیف کو شوکاز نوٹس
ڈاکٹر عدنان خان نے شہریوں کو گھبرانے سے روکنے اور معمولی جھٹکوں پر محفوظ جگہ منتقل ہونے کا مشورہ دیا ہے۔ انہوں نے بتایا کہ کراچی فالٹ لائن سے کافی دور واقع ہے، اس لیے یہاں بڑے زلزلے کا خطرہ کم ہے۔ تاہم، کوئٹہ اور چمن کے علاقے فالٹ لائن کے قریب ہیں جہاں زلزلے کی سرگرمی زیادہ اور شدید ہو سکتی ہے۔
شہریوں نے زلزلے کے جھٹکے قائد آباد، ملیر، سعودآباد، گلستان جوہر، کھوکھراپار، اسٹیل ٹاؤن اور اطراف میں محسوس کیے، جن کے بعد وہ گھروں سے باہر نکل آئے اور کلمہ طیبہ کا ورد کرتے رہے۔
