بین الاقوامی فوجداری عدالت آئی سی سی غزہ میں جاری تنازع کے دوران اسرائیل کے قانونی دائرہ اختیار اور اس پر لاحق چیلنجز کا جائزہ لے رہی ہے۔
آئندہ بجٹ میں موسمیاتی اخراجات کی علیحدہ نشاندہی سبسڈیز میں کلائمیٹ بجٹ ٹیگنگ کا نیا نظام نافذ
آئی سی سی کی ویب سائٹ پر شائع ہونے والی تازہ دستاویزات سے انکشاف ہوا ہے کہ اسرائیل نے باضابطہ طور پر عدالت سے مطالبہ کیا ہے کہ وہ فلسطینی علاقوں میں مبینہ جنگی جرائم اور انسانیت کے خلاف مظالم کی جاری تحقیقات کو فوری طور پر معطل کرے۔ یہ درخواست 9 مئی 2025 کو دائر کی گئی، جس پر اسرائیل کے نائب اٹارنی جنرل گیلاد نوا کے دستخط ثبت ہیں۔
یاد رہے کہ آئی سی سی نے گزشتہ سال 21 نومبر کو غزہ جنگ کے سلسلے میں اسرائیلی وزیراعظم بنجمن نیتن یاہو، ان کے سابق وزیر دفاع، اور حماس کے عسکری رہنما ابراہیم المصرری (معروف بہ محمد دیف) کے خلاف مبینہ جنگی جرائم اور انسانیت کے خلاف جرائم پر گرفتاری کے وارنٹ جاری کیے تھے۔
فروری 2025 میں عدالت نے اعلان کیا تھا کہ محمد دیف کی وفات کی مصدقہ اطلاع موصول ہونے پر ان کے خلاف جاری وارنٹ کو واپس لے لیا گیا ہے۔
اس وقت آئی سی سی میں جاری قانونی پیش رفت عالمی سطح پر جنگی جرائم کی تحقیقات کے مستقبل پر گہرے اثرات مرتب کر سکتی ہے، خصوصاً ان علاقوں میں جہاں ریاستیں عدالت کے دائرہ اختیار کو تسلیم نہیں کرتیں۔
