نیو کیسل یونائیٹڈ نے سینڈرو ٹونالی اور برونو گیماریس کے گولز کی بدولت چیلسی کے خلاف 0-2 کی اہم فتح حاصل کرتے ہوئے چیمپئنز لیگ میں کوالیفائی کرنے کی دوڑ میں بڑی پیش رفت کی ہے۔ سینٹ جیمز پارک میں کھیلے گئے میچ کے آغاز میں ہی ٹونالی نے دوسرا منٹ مکمل ہوتے ہی ٹیم کو برتری دلائی، جبکہ چیلسی کے فارورڈ نکولس جیکسن کو پہلے ہاف میں بوٹمین پر کہنی مارنے کے باعث ریڈ کارڈ دکھا کر میدان سے باہر بھیج دیا گیا۔
کوئٹہ اور گرد و نواح میں زلزلے کے جھٹکے، شہری خوفزدہ، شدت 4.9 ریکارڈ
برونو گیماریس نے میچ کے آخری لمحات میں گول کر کے فتح کو یقینی بنایا، جس سے نیو کیسل پوائنٹس ٹیبل پر تیسری پوزیشن پر آ گیا۔ نیو کیسل اب چوتھے نمبر پر موجود مانچسٹر سٹی سے ایک پوائنٹ آگے ہے، جبکہ چیلسی اور آسٹن ولا سے تین پوائنٹس پیچھے ہے۔
چیلسی کے منیجر اینزو ماریسکا نے 10 کھلاڑیوں کے ساتھ میچ کھیلنے کی مشکلات کا اعتراف کیا اور ریڈ کارڈ کے فیصلے پر تبصرہ کرتے ہوئے کہا کہ کچھ اسٹیڈیمز میں ریفری کے لیے ایسے فیصلے لینا آسان ہو جاتا ہے۔
چیلسی کی یہ سات لیگ میچز میں پہلی شکست تھی، جس سے ان کی یورپی مقابلوں میں واپسی کی امیدوں کو دھچکا لگا ہے۔
