ذرائع پاک بحریہ کے مطابق سمندری حدود میں معمول کے گشت کے دوران نیوی مکمل الرٹ ہے اور کسی بھی بھارتی مہم جوئی (مس ایڈونچر) کا بھرپور جواب دینے کے لیے تیار ہے۔ برطانوی اخبار کے اس انکشاف کے بعد کہ بھارت کراچی پورٹ پر حملے کی تیاری کر رہا ہے، سیکیورٹی ادارے ہائی الرٹ ہو گئے ہیں۔
ذرائع کا کہنا ہے کہ پاک بحریہ نے ماضی میں بھی دشمن کو اس کی جارحیت کا بھرپور جواب دیا ہے، جس کی مثال تاریخی آپریشن دوارکا ہے۔ اب بھی نیوی، پاک فضائیہ کی طرح ہر چیلنج سے نمٹنے کیلئے مکمل طور پر تیار اور چوکس ہے۔
نیول فورسز سمندری حدود میں مسلسل نگرانی کر رہی ہیں تاکہ کسی بھی حملے یا دراندازی کی صورت میں فوری کارروائی کی جا سکے۔
