بھارتی بزدلانہ حملے کے بعد کور کمانڈر بہاولپور نے سی ایم ایچ بہاولپور کا دورہ کیا جہاں انہوں نے حملے میں زخمی ہونے والے افراد کی عیادت کی اور متاثرہ خاندانوں سے ملاقات کی۔
بھارت کی بلااشتعال جارحیت، 24 حملوں میں 8 پاکستانی شہید، 33 زخمی ڈی جی آئی ایس پی آر
اس موقع پر ایم ایس اور کمانڈنگ آفیسر سی ایم ایچ بہاولپور بھی ان کے ہمراہ موجود تھے۔ کور کمانڈر نے زخمیوں کی خیریت دریافت کی اور اسپتال کے ڈاکٹروں اور طبی عملے کو ہدایت دی کہ متاثرین کو فوری اور مکمل طبی امداد فراہم کی جائے۔
اسپتال میں موجود پُرجوش شہریوں نے "پاکستان زندہ باد” کے فلک شگاف نعرے لگائے، جس سے وہاں حب الوطنی کا جذبہ مزید بڑھ گیا۔
کور کمانڈر نے یقین دلایا کہ پاک فوج اپنے شہریوں کے تحفظ کے لیے ہر ممکن قدم اٹھا رہی ہے اور بھارتی جارحیت کا منہ توڑ جواب دیا جائے گا۔
