ایم ڈی واٹر کارپوریشن انجینئر اسداللہ خان نے رمضان المبارک کی آمد پر عالم اسلام کو مبارکباد پیش کی اور شہریوں کو بہتر سہولیات کی فراہمی کا یقین دلایا۔ ان کا کہنا تھا کہ میئر کراچی کی ہدایت پر مساجد، مدارس اور عبادت گاہوں کے اطراف تمام شکایات کا ازالہ کر دیا گیا ہے۔
آرمی چیف جنرل عاصم منیر کا بہاولپور چھاونی کا دورہ، جنگی تیاریوں اور تربیتی امور کا جائزہ
انہوں نے کہا کہ رمضان کے دوران پانی کی بڑھتی ہوئی طلب کو مدنظر رکھتے ہوئے اس کی بلاتعطل فراہمی کو یقینی بنایا جائے گا۔ میئر کراچی کی زیر نگرانی پانی کے نظام کو بہتر بنانے کے لیے مختلف اقدامات کیے گئے ہیں۔
ایم ڈی واٹر کارپوریشن نے کے الیکٹرک سے درخواست کی کہ رمضان المبارک میں پمپنگ اسٹیشنز کو لوڈشیڈنگ سے مستثنیٰ رکھا جائے اور بجلی کے اچانک بریک ڈاؤن سے گریز کیا جائے تاکہ شہریوں کو مشکلات کا سامنا نہ کرنا پڑے۔
انہوں نے افسران کو ہدایت دی کہ رمضان المبارک کے دوران کوئی کوتاہی برداشت نہیں کی جائے گی اور شہریوں کو پانی کی بہتر سہولیات فراہم کرنا کسی بھی عبادت سے کم نہیں۔ انہوں نے عوام سے اپیل کی کہ وہ بہتر خدمات کی فراہمی میں واٹر کارپوریشن کے ساتھ بھرپور تعاون کریں۔
