ایس ایچ او تھانہ ڈاکس انسپکٹر نفیس الرحمان نے اسٹاف کے ہمراہ دو مختلف مقامات پر کامیاب کارروائیاں کرتے ہوئے گٹکا فروشی اور جوا سٹہ کی آرگنائزنگ میں ملوث ملزمان کو گرفتار کر لیا۔
تھانہ منگھوپیر کے شہید اہلکار عمران کی نماز جنازہ ادا، قاتلوں کی گرفتاری کا حکم
ایس ایس پی کیماڑی کیپٹن (ر) فیضان علی کے مطابق پہلی کارروائی مچھر کالونی میں کی گئی، جہاں پولیس نے زولفقار عرف زلفی کو گرفتار کیا، جو مضرِ صحت گٹکا ماوا فروخت کر رہا تھا۔ ملزم کے قبضے سے 40 عدد پڑیاں برآمد کی گئیں، جس پر اس کے خلاف مقدمہ نمبر 97/25 بجرم 8(I) امتناع گٹکا ماوا ایکٹ درج کیا گیا۔
دوسری کارروائی سلطان آباد کے علاقے میں ہوئی، جہاں جوا سٹہ کی آرگنائزنگ میں ملوث محمد ریاض گرفتار کر لیا گیا، جبکہ اس کا ساتھی اقبال برکی موقع سے فرار ہونے میں کامیاب ہو گیا۔ پولیس نے ملزم کے قبضے سے جوا سٹہ کی پرچیاں اور رقم برآمد کرتے ہوئے مقدمہ نمبر 98/25 بجرم دفعہ 5/5A گیمبلنگ ایکٹ درج کر لیا۔
پولیس کا کہنا ہے کہ فرار ملزم کی گرفتاری کے لیے چھاپے مارے جا رہے ہیں اور منشیات و جوا کے خلاف مزید سخت کارروائیاں جاری رہیں گی۔
