اسلام آباد (تشکر نیوز): اینٹی نارکوٹکس فورس (اے این ایف) نے منشیات اسمگلنگ کے خلاف ملک کے مختلف شہروں میں 6 کامیاب کارروائیاں کرتے ہوئے 3 ملزمان کو گرفتار کر لیا۔ کارروائیوں کے دوران 14 کروڑ روپے سے زائد مالیت کی 2089.57 کلوگرام چرس برآمد کی گئی۔
سی ویو ساحل سمندر پر گاڑی پھنسنے کا واقعہ، ریسکیو 1122 کی کامیاب کارروائی
تفصیلات:
قلعہ عبداللہ، بلوچستان: ویران علاقے سے 1270 کلوگرام چرس برآمد۔
جیوانی، گوادر: غیر آباد علاقے سے 800 کلوگرام چرس برآمد۔
پشاور: کوریئر آفس میں رحیم یار خان بھیجے جانے والے پارسل سے 10.8 کلوگرام چرس ضبط۔
ایم ون اسلام آباد: گاڑی میں چھپائی گئی 6 کلوگرام چرس برآمد، ملزم گرفتار۔
شیر شاہ ٹول پلازہ، ملتان: ایک ملزم سے 2.4 کلوگرام چرس برآمد۔
پنڈی روڈ، کوہاٹ: ایک ملزم کے قبضے سے 370 گرام چرس برآمد۔
قانونی کارروائی:
گرفتار ملزمان کے خلاف انسداد منشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔ اے این ایف کا کہنا ہے کہ منشیات اسمگلنگ کے خلاف یہ آپریشنز ملک کو منشیات سے پاک بنانے کی کوششوں کا حصہ ہیں۔
