تشکر نیوز: آرٹس کونسل آف پاکستان کراچی میں 15 دسمبر 2024 کو کائنات مہیشوری مارگ فورم کی جانب سے ایک شاندار تقریب کا انعقاد کیا گیا، جس میں مہیشوری (ہندو) برادری کے 250 پوزیشن ہولڈرز طلبہ و طالبات کو ویرسی ماسٹر ایوارڈ سے نوازا گیا۔ اس تقریب میں کے جی ون سے لے کر بارہویں جماعت تک کے ہونہار بچوں نے شرکت کی۔
پاکستان اسٹاک ایکسچینج میں اتار چڑھاؤ، 1300 پوائنٹس کی کمی کے بعد مارکیٹ نیا ریکارڈ سطح پر
اس پروگرام میں طلبہ و طالبات کے والدین اور مہیشوری برادری کے افراد کی بڑی تعداد موجود تھی۔ تقریب کے دوران پوزیشن ہولڈرز بچوں کو ایوارڈ شیلڈز سے نوازا گیا۔ اس کے ساتھ ساتھ بچوں اور والدین کے درمیان دلچسپ کھیلوں کے مقابلے بھی کروائے گئے، اور جیتنے والوں میں انعامات تقسیم کیے گئے۔
کائنات مہیشوری مارگ فورم کے بانی، بابو کانجی مانگلیا نے تقریب سے خطاب کرتے ہوئے کہا کہ اس تقریب کا بنیادی مقصد بچوں میں تعلیم کے فروغ کو ممکن بنانا ہے، تاکہ وہ اعلیٰ تعلیم حاصل کر کے نہ صرف اپنے ملک پاکستان بلکہ اپنی برادری کا نام بھی روشن کر سکیں۔
انہوں نے کہا کہ برادری کے بچوں کی کامیابیاں ہماری اجتماعی ترقی کا ثبوت ہیں اور یہ تقریب ان کی حوصلہ افزائی کے لیے ایک اہم قدم ہے۔
