کراچی کی جوڈیشل مجسٹریٹ ایسٹ کی عدالت نے مرحوم ٹی وی اینکر عامر لیاقت حسین کی ویڈیوز سوشل میڈیا پر وائرل کرنے کے مقدمے میں ملزمہ دانیہ شاہ کے ناقابلِ ضمانت وارنٹ گرفتاری جاری کردیے۔
عدالت نے ملزمہ کی عدم حاضری پر انہیں گرفتار کرکے پیش کرنے کا حکم دیا۔ سماعت کے دوران دانیہ شاہ کے وکیل نے حاضری سے استثنیٰ کی درخواست دائر کی، تاہم مدعیہ کے وکیل کے اعتراض پر عدالت نے درخواست مسترد کردی۔
عدالت نے مقدمے کی مزید سماعت 28 اکتوبر تک ملتوی کردی۔ دانیہ شاہ کے خلاف مرحوم عامر لیاقت حسین کی بیٹی کی مدعیت میں سائبر کرائم کے تحت مقدمہ درج کیا گیا تھا۔
