جوڈیشل مجسٹریٹ شرقی نے عوام راج پارٹی کے سربراہ اقرار الحسن کو جیل بھیجنے کا حکم دے دیا۔ وہ سابق ٹی وی اینکر بھی ہیں۔
اقرار الحسن پر سوشل میڈیا پر ریاست مخالف مواد پوسٹ کرنے کا الزام ہے۔ سائبر کرائم حکام نے انہیں عدالت میں پیش کیا۔
این سی سی آئی اے سے چالان طلب
اقرار الحسن کو جوڈیشل مجسٹریٹ گلریز میمن کی عدالت میں پیش کیا گیا۔ عدالت نے انہیں عدالتی ریمانڈ پر جیل بھیج دیا۔
عدالت نے نیشنل سائبر کرائم انویسٹی گیشن ایجنسی (این سی سی آئی اے) کو 14 روز میں چالان پیش کرنے کا حکم دیا۔
دوسری جانب وکیل صفائی نے اقرار الحسن کی درخواست ضمانت بھی دائر کردی۔
