مسلم لیگ (ن) کے قائد نواز شریف نے پاکستان تحریک انصاف (پی ٹی آئی) پر تنقید کرتے ہوئے الزام لگایا ہے کہ جماعت نے گزشتہ 13 سال کے دوران خیبرپختونخوا کو نقصان پہنچایا۔
لندن میں صحافیوں سے گفتگو کرتے ہوئے انہوں نے سوال اٹھایا کہ وزیراعلیٰ سرکاری وسائل استعمال کرکے وفاقی دارالحکومت پر حملہ کیسے کرسکتا ہے۔
صوبائی وسائل کے استعمال پر سوال
نواز شریف نے کہا کہ صوبائی وسائل کو اسلام آباد اور دوسرے صوبوں کے خلاف استعمال کرنا درست نہیں۔ ان کے مطابق خیبرپختونخوا کے عوام تحریک انصاف کی حکومت سے آزاد ہوگئے ہیں۔
عوام کو ریلیف دینے پر زور
مسلم لیگ (ن) کے قائد نے کہا کہ ان کی جماعت پاکستان کی ترقی اور خوشحالی کے لیے پرعزم ہے۔
انہوں نے کہا کہ وفاقی اور صوبائی حکومتیں عام آدمی کی زندگی بہتر بنانے کے لیے کام کررہی ہیں۔ ان کے مطابق عوام کو ریلیف فراہم کرنا بھی حکومتوں کی ترجیحات میں شامل ہے۔
