گڈز ٹرانسپورٹرز کے مسائل: آزاد خان سے وفد کی ملاقات

کراچی: ایڈیشنل آئی جی کراچی آزاد خان سے کراچی پولیس آفس میں آل پاکستان گڈز ٹرانسپورٹ کے چار رکنی وفد نے ملاقات کی۔

وفد کی قیادت صدر ملک شہزاد اعوان نے کی۔ وفد میں یونائیٹڈ گڈز ٹرانسپورٹ الائنس کے سرپرست اعلیٰ ملک شبر خان، چیئرمین پاکستان گڈز ٹرانسپورٹ الائنس نثار حسین جعفری اور چیئرمین یونائیٹڈ گڈز ٹرانسپورٹ الائنس غلام یاسین خان شامل تھے۔

مال بردار گاڑیوں کی آمدورفت پر گفتگو

ملاقات کے دوران وفد نے مال بردار گاڑیوں کی آمدورفت سے متعلق مسائل ایڈیشنل آئی جی کراچی کے سامنے رکھے۔

وفد نے نادرن بائی پاس، پورٹ قاسم، کراچی پورٹ اور دیگر علاقوں میں ٹریفک سمیت مختلف مسائل سے آگاہ کیا۔

ٹرانسپورٹرز نے مال بردار گاڑیوں کی نقل و حرکت میں پیش آنے والی مشکلات اور ٹریفک سے متعلق امور پر بھی گفتگو کی۔

پاک برطانیہ تعاون: غیر قانونی امیگریشن اور منشیات کے خلاف اقدامات بڑھانے پر اتفاق

مسائل کے حل کی یقین دہانی

ایڈیشنل آئی جی کراچی آزاد خان نے وفد کو مسائل کے حل کے لیے ہر ممکن تعاون کی یقین دہانی کرائی۔

انہوں نے متعلقہ افسران کو زیر بحث امور پر ضروری اقدامات کرنے کی ہدایات بھی جاری کیں۔