ٹرمپ نے نڈال حسن کو فائرنگ اسکواڈ سے سزائے موت کی منظوری دے دی

واشنگٹن: امریکی صدر ڈونلڈ ٹرمپ نے سابق امریکی فوجی میجر نڈال حسن کو فائرنگ اسکواڈ کے ذریعے سزائے موت دینے کی منظوری دے دی۔

امریکی محکمہ دفاع کے مطابق صدر ٹرمپ نے دفاعی سیکریٹری پیٹ ہیگستھ کی سفارش پر سزا کی منظوری دی۔ سزا پر عملدرآمد کی تاریخ اور مقام کا فیصلہ آرمی سیکریٹری کریں گے۔

فورٹ ہڈ فائرنگ کیس

نڈال حسن نے 2009 میں ٹیکساس کے فورٹ ہڈ فوجی اڈے پر فائرنگ کی تھی۔ واقعے میں 13 افراد ہلاک اور 30 سے زائد زخمی ہوئے تھے۔

سابق فوجی ماہرِ نفسیات نڈال حسن کو 2013 میں فوجی عدالت نے سزائے موت سنائی تھی۔

ایونجرز: اینڈ گیم دوبارہ دنیا کی سب سے زیادہ کمائی کرنے والی فلم بن گئی

امریکی فوج میں غیر معمولی پھانسی

اگر سزا پر عملدرآمد ہوتا ہے تو یہ 1961 کے بعد امریکی فوج کی جانب سے پہلی پھانسی ہوگی۔

فائرنگ اسکواڈ کے ذریعے فوجی سزائے موت پر عملدرآمد اس سے بھی طویل عرصے بعد ہوگا۔ امریکی فوج میں آخری پھانسی 1961 میں دی گئی تھی۔