سچل پولیس کی کارروائی، عادی جرائم پیشہ ملزم گرفتار

ایسٹ زون، سچل پولیس اور شاہین فورس سہراب گوٹھ ڈویژن نے مشترکہ کارروائی کرتے ہوئے ایک ملزم کو گرفتار کرلیا۔

پولیس کے مطابق کارروائی مدینہ کالونی میں دورانِ گشت کی گئی۔ گرفتار ملزم کی شناخت عادل ولد نصر اللہ کے نام سے ہوئی۔

پولیس نے ملزم کے قبضے سے ایک غیر قانونی پستول اور ایمونیشن برآمد کیا۔

ملزم کے خلاف مقدمہ درج

پولیس کے مطابق ملزم کے خلاف سندھ آرمز ایکٹ کے تحت مقدمہ درج کرلیا گیا ہے۔

گرفتار ملزم سے مزید تفتیش جاری ہے۔

پولیس کا کہنا ہے کہ ملزم اس سے قبل بھی مختلف مقدمات میں گرفتار ہوکر جیل جا چکا ہے۔

مختلف مقدمات میں گرفتاری کا ریکارڈ

پولیس کے مطابق ملزم عادل کے خلاف سچل تھانے میں درج ذیل مقدمات موجود ہیں:

مقدمہ نمبر 1229/22، دفعات 397/34 تعزیرات پاکستان۔

مقدمہ نمبر 1230/22، دفعہ 23(i)A سندھ آرمز ایکٹ۔

مقدمہ نمبر 1452/25، دفعات 353/324/34 تعزیرات پاکستان۔

مقدمہ نمبر 1453/25، دفعہ 23(i)A سندھ آرمز ایکٹ۔