سیہون کے قریب موٹر سائیکل اور ہائی ایس وین میں حادثہ، بچہ جاں بحق

انڈس ہائی وے پر سیہون کے قریب موٹر سائیکل اور ہائی ایس وین میں حادثہ پیش آیا، جس کے نتیجے میں ایک بچہ جاں بحق ہوگیا۔

موٹروے پولیس کے مطابق حادثے میں علی شیر اور جانیال بی بی شدید زخمی ہوئے۔

اطلاع ملتے ہی موٹروے پولیس موقع پر پہنچ گئی۔ اہلکاروں نے ریسکیو آپریشن شروع کیا۔

زخمیوں کو طبی امداد کے لیے اسپتال منتقل کردیا گیا۔

وین ڈرائیور موقع سے فرار

موٹروے پولیس کے مطابق ابتدائی معلومات میں حادثے کی وجہ وین ڈرائیور کی غفلت اور لاپرواہی بتائی گئی ہے۔

حادثے کے بعد وین ڈرائیور موقع سے فرار ہوگیا۔ پولیس نے اس کی تلاش شروع کردی ہے۔

گاڑیاں پولیس کے حوالے

موٹروے پولیس کے مطابق حادثے میں ملوث ہائی ایس وین اور موٹر سائیکل پولیس اسٹیشن لکی صدر کے حوالے کردی گئی ہیں۔

حادثے کی مزید تحقیقات جاری ہیں۔ قانونی کارروائی بھی کی جارہی ہے۔