ایس ایس پی ڈسٹرکٹ سینٹرل ڈاکٹر محمد عمران خان کی ہدایت پر جرائم پیشہ عناصر کے خلاف کارروائیاں جاری ہیں۔
پولیس کے مطابق مختلف کارروائیوں میں 6 ملزمان کو گرفتار کیا گیا۔ کارروائیوں کے دوران گٹکا ماوا، آئس اور دیگر اشیا برآمد ہوئیں۔
حیدری مارکیٹ پولیس کی کارروائی
تھانہ حیدری مارکیٹ پولیس نے کارروائی کرکے IR لسٹڈ ملزم اعجاز جمشید ولد جمشید عالم کو گرفتار کیا۔
پولیس کے مطابق ملزم گٹکا ماوا فروشی میں ملوث تھا۔ اس کے قبضے سے 15 پڑیاں گٹکا ماوا اور 2 پیکٹ آداب برآمد ہوئے۔
پولیس نے ملزم کے خلاف FIR نمبر 381/2026 درج کرلی۔ مقدمہ گٹکا ماوا ایکٹ کی دفعہ 4/8(i) کے تحت درج کیا گیا۔
گلبہار پولیس کی تین کارروائیاں
تھانہ گلبہار پولیس نے مختلف کارروائیوں میں تین ملزمان کو گرفتار کیا۔
پولیس کے مطابق IR لسٹڈ اور مبینہ رپیٹ آفینڈر غلام یاسین ولد اللہ وسایا کو گرفتار کیا گیا۔ اس کے خلاف FIR نمبر 348/2026 دفعہ 23(i)-A کے تحت درج ہے۔
دوسری کارروائی میں مبینہ رپیٹ آفینڈر شمان علی ولد فتح علی کو گرفتار کیا گیا۔ اس کے خلاف FIR نمبر 349/2026 دفعہ 23(i)-A کے تحت مقدمہ درج ہے۔
تیسری کارروائی میں مبینہ منشیات فروش یاسر عرف بلوچ ولد ظفر کو گرفتار کیا گیا۔
پولیس کے مطابق ملزم سے 25 گرام آئس اور 200 روپے برآمد ہوئے۔ اس کے خلاف FIR نمبر 346/2026 دفعہ 9(2)2 کے تحت مقدمہ درج کیا گیا۔
پولیس کے مطابق یاسر عرف بلوچ کا سابقہ کرمنل ریکارڈ بھی موجود ہے۔ مزید تفتیش انچارج CIC لیاقت آباد ڈویژن کے حوالے کردی گئی۔
سپر مارکیٹ پولیس نے 2 ملزمان گرفتار کرلیے
تھانہ سپر مارکیٹ پولیس نے کارروائی کرکے دو مبینہ منشیات فروشوں کو گرفتار کیا۔
گرفتار ملزمان کی شناخت انیس ولد عبدالغنی اور محمد شاہد ولد محمد مشتاق کے نام سے ہوئی۔
پولیس کے مطابق دونوں ملزمان سے مجموعی طور پر 46 گرام آئس اور 500 روپے برآمد ہوئے۔
ملزمان کے خلاف FIR نمبر 592/2026 دفعہ 9(2)-2 کے تحت مقدمہ درج کرلیا گیا۔
مزید تفتیش انچارج CIC لیاقت آباد ڈویژن کے حوالے کردی گئی۔
پولیس کے مطابق گرفتار ملزمان کے خلاف قانونی کارروائی جاری ہے۔
