شام میں مزدوروں اور انجینئرز کو لے جانے والی گاڑی پر مسلح افراد نے فائرنگ کردی، جس کے نتیجے میں 7 افراد ہلاک ہوگئے۔
عرب میڈیا کے مطابق مسلح افراد نے گھات لگا کر مقامی تعمیراتی کمپنی کی وین کو نشانہ بنایا۔
میڈیا رپورٹس کے مطابق حملے میں 4 افراد شدید زخمی بھی ہوئے۔ زخمیوں کو طبی امداد کے لیے اسپتال منتقل کردیا گیا۔
دوسری جانب دمشق کے دیہی علاقے میں گیس پائپ لائن میں دھماکے کے بعد آگ بھڑک اٹھی۔
پائپ لائن میں دھماکے کے باعث 3 بجلی گھروں کو گیس کی فراہمی منقطع ہوگئی۔ واقعے کے بعد متاثرہ علاقے میں امدادی اور متعلقہ اداروں کی کارروائیاں جاری ہیں۔
