کراچی: چیئرمین پاکستان پیپلزپارٹی بلاول بھٹو زرداری سے بلاول ہاؤس کراچی میں پارٹی رہنماؤں اور سندھ کابینہ کے ارکان نے الگ الگ ملاقاتیں کیں۔
ملاقاتوں میں ملکی سیاسی صورتحال، پارلیمانی امور اور مختلف ترقیاتی منصوبوں پر تبادلہ خیال کیا گیا۔
شرجیل میمن کی ٹرانسپورٹ منصوبوں پر بریفنگ
سندھ کے سینئر وزیر شرجیل انعام میمن نے بلاول بھٹو زرداری سے ملاقات کی۔
انہوں نے عوامی فلاح کے لیے جاری بڑے ٹرانسپورٹ منصوبوں پر پیش رفت سے آگاہ کیا۔
ملاقات میں شہریوں کو بہتر سفری سہولیات کی فراہمی پر بھی گفتگو ہوئی۔
منصوبوں کی بروقت تکمیل سے متعلق امور کا بھی جائزہ لیا گیا۔
خورشید شاہ سے سیاسی امور پر گفتگو
رکن قومی اسمبلی سید خورشید احمد شاہ نے بھی بلاول بھٹو زرداری سے ملاقات کی۔
ملاقات میں ملکی سیاسی صورتحال، قومی معاملات اور پارٹی امور پر تبادلہ خیال کیا گیا۔
نوید قمر کی پارلیمانی امور پر گفتگو
رکن قومی اسمبلی سید نوید قمر نے بھی پیپلزپارٹی چیئرمین سے ملاقات کی۔
ملاقات میں پارلیمان میں جاری قانون سازی اور قومی اسمبلی کے امور زیر بحث آئے۔
آئندہ قانون سازی سے متعلق مختلف معاملات پر بھی گفتگو کی گئی۔
لیاری ٹرانسفارمیشن پلان: فیز ون اگست 2027 تک مکمل کرنے کا فیصلہ
ناصر حسین شاہ کی محکمانہ کارکردگی پر بریفنگ
وزیر بلدیات سندھ سید ناصر حسین شاہ نے بھی بلاول بھٹو زرداری سے ملاقات کی۔
انہوں نے محکمہ بلدیات کی کارکردگی اور جاری ترقیاتی اسکیموں پر بریفنگ دی۔
ناصر حسین شاہ نے بلدیاتی خدمات بہتر بنانے کے لیے کیے گئے اقدامات سے بھی آگاہ کیا۔
عوامی مسائل کے حل پر گفتگو
اعلامیے کے مطابق ملاقاتوں میں عوامی مسائل کے حل پر بھی تبادلہ خیال ہوا۔
ترقیاتی منصوبوں کی رفتار تیز کرنے کے امور زیر غور آئے۔
پارٹی کے تنظیمی اور سیاسی معاملات پر بھی بات چیت کی گئی۔
