اسلام آباد: وزارت مذہبی امور نے پاک حج ایپ پر عازمین حج کے لیے متعدد نئی سہولیات متعارف کرادی ہیں۔
اعلامیے کے مطابق عازمین گھر بیٹھے حج پیکج، دورانیے اور رہائش میں تبدیلی کرسکیں گے۔
اب ٹو بیڈ، تھری بیڈ، فیملی روم یا شیئرنگ رہائش کا انتخاب بھی ایپ کے ذریعے ممکن ہوگا۔
حج پیکج اور رہائش میں تبدیلی
وزارت مذہبی امور کے مطابق لانگ حج کو شارٹ حج پیکج میں تبدیل کیا جاسکے گا۔
اسی طرح شارٹ حج کو لانگ پیکج میں تبدیل کرنے کی سہولت بھی دستیاب ہوگی۔
عازمین رہائش کی مختلف اقسام میں سے اپنی ضرورت کے مطابق انتخاب کرسکیں گے۔
میڈیکل فٹنس سرٹیفکیٹ کی سہولت
پاک حج ایپ سے میڈیکل فٹنس سرٹیفکیٹ کا پرنٹ حاصل کیا جاسکتا ہے۔
عازمین کو سرٹیفکیٹ مجاز ڈاکٹر سے تصدیق کرانا ہوگا۔
تصدیق کے بعد فٹنس سرٹیفکیٹ پاک حج ایپ یا حج پورٹل پر دوبارہ اپ لوڈ کرنا لازمی ہوگا۔
سمندر پار پاکستانی اپنے قریبی ڈاکٹر سے فٹنس سرٹیفکیٹ حاصل کرکے ایپ پر اپ لوڈ کرسکیں گے۔
نئے صوبے کا قیام: کراچی کے نوجوانوں کی حمایت
محرم اور ہیلپر کی درخواست
کامیاب عازمین کو ہارڈشپ کوٹے کے تحت محرم یا ہیلپر کی درخواست دینے کی سہولت بھی فراہم کی گئی ہے۔
ایپ میں حج درخواست منسوخ کرنے اور رقم واپس لینے کا فیچر بھی شامل کردیا گیا ہے۔
پرائیویٹ حج بکنگ سے متعلق ہدایت
وزارت مذہبی امور کے مطابق نیشنل آئی ٹی بورڈ کے ڈیجیٹل حج پورٹل کے ذریعے پرائیویٹ حج کی بکنگ جاری ہے۔
وزارت نے واضح کیا ہے کہ حج پورٹل سے باہر پرائیویٹ حج کی بکنگ یا ادائیگی کی اجازت نہیں۔
اعلامیے کے مطابق پرائیویٹ حج اسکیم کے تحت 26 ہزار درخواستیں مکمل ہوچکی ہیں۔ اس اسکیم میں 45 ہزار نشستیں دستیاب ہیں۔
