کراچی: ایس ایس پی انویسٹیگیشن ملیر کی سربراہی میں پولیس نے مختلف مقدمات میں مطلوب ملزمان کے خلاف کارروائیاں کیں۔
کارروائیوں کے دوران متعدد مفرور اور اشتہاری ملزمان کو گرفتار کیا گیا۔
پولیس نے مختلف مقدمات میں مطلوب تین مغوی لڑکیوں کو بھی بازیاب کرالیا۔
ابراہیم حیدری میں دو مغویہ بازیاب
تھانہ ابراہیم حیدری کی تفتیشی ٹیم نے مقدمہ نمبر 671/26 میں کارروائی کی۔
پولیس نے مغویہ نیہا انور زوجہ انور بیگ کو بازیاب کرلیا۔
مقدمے میں ملوث ملزم حسن علی ولد خالد علی کو بھی گرفتار کیا گیا۔
دوسری کارروائی میں پولیس نے مقدمہ نمبر 702/26 میں 14 سالہ سعدیہ دختر محمد بلال کو بازیاب کرایا۔
مقدمے میں ملوث ملزم عبد الوحید ولد ابو العالم کو گرفتار کرلیا گیا۔
ڈیفنس ایچ بلاک میں نوجوان اور خواجہ سراؤں میں جھگڑا، ویڈیو وائرل
شرافی گوٹھ سے 15 سالہ لڑکی بازیاب
تھانہ شرافی گوٹھ کی تفتیشی ٹیم نے مقدمہ نمبر 478/26 میں کارروائی کی۔
پولیس نے 15 سالہ مغویہ عتشنا دختر مقصود مسیح کو بازیاب کرلیا۔
مقدمے میں ملوث ملزم وقاص ولد طارق کو گرفتار کیا گیا۔
اسٹیل ٹاؤن میں ڈکیتی کے ملزم گرفتار
تھانہ اسٹیل ٹاؤن کی تفتیشی ٹیم نے دو ڈکیتی کے مقدمات میں ملوث ملزم کو گرفتار کیا۔
پولیس کے مطابق ملزم نے دوران تفتیش مقدمات میں ملوث ہونے کا انکشاف کیا۔
ملزم کی نشاندہی پر چھینے گئے اینڈرائیڈ موبائل فون بھی برآمد کرلیے گئے۔
پولیس نے ملزم کو مزید قانونی کارروائی کے لیے متعلقہ تفتیشی حکام کے حوالے کردیا۔
گڈاپ سٹی میں پانچ ملزمان گرفتار
تھانہ گڈاپ سٹی کی ٹیم نے مقدمہ نمبر 693/26 میں نامزد ملزم نور خان ولد فرید خان کو گرفتار کیا۔
ایک دوسری کارروائی میں پولیس نے ڈکیتی کے دو مقدمات میں چار ملزمان کو گرفتار کیا۔
گرفتار ملزمان میں خادم حسین، لنگھ خان، اختر حسین اور احسن شامل ہیں۔
مفرور اور اشتہاری ملزمان بھی گرفتار
تھانہ اسٹیل ٹاؤن کی ٹیم نے مقدمہ نمبر 156/24 میں مفرور ملزم محمد نبیل ولد اورنگزیب کو گرفتار کیا۔
تھانہ میمن گوٹھ کی ٹیم نے مقدمہ نمبر 152/21 میں مفرور ملزم نور محمد ولد قادر بخش کو گرفتار کیا۔
پولیس کے مطابق نور محمد اسی مقدمے میں اشتہاری بھی قرار دیا گیا تھا۔
تھانہ سکھن کی ٹیم نے مقدمہ نمبر 391/21 میں مفرور ملزم منیر احمد ولد بشیر احمد کو گرفتار کیا۔
تھانہ شاہ لطیف ٹاؤن کی ٹیم نے مقدمہ نمبر 734/25 میں مفرور ملزم اسد محمود ولد مقصود احمد کو گرفتار کیا۔
قانونی کارروائی جاری
پولیس کے مطابق بازیاب مغویاؤں کو مجاز عدالت میں پیش کیا جائے گا۔
گرفتار ملزمان کے خلاف ضابطے کے مطابق کارروائی جاری ہے۔
