بھارتی فلم انڈسٹری کی سینئر اداکارہ میتھو مکھرجی 71 برس کی عمر میں انتقال کرگئیں۔ وہ گزشتہ ایک سال سے کینسر کے مرض سے لڑ رہی تھیں۔
میتھو مکھرجی نے اپنے فلمی کیریئر کا زیادہ حصہ بنگالی سنیما کو دیا۔ انہوں نے 1970 اور 1980 کی دہائیوں میں کئی نمایاں فلموں میں اداکاری کی۔
اداکارہ اپنے دور کی بنگالی فلم انڈسٹری کے معروف فنکاروں میں شمار ہوتی تھیں۔ انہوں نے متعدد بڑے اداکاروں کے ساتھ کام کیا۔
معروف بنگالی فلموں میں اداکاری
میتھو مکھرجی نے اتم کمار، سومیترا چٹوپادھیائے اور رنجیت ملک کے ساتھ بھی اداکاری کے جوہر دکھائے۔
ان کی قابل ذکر فلموں میں ’مرجینا عبداللہ‘، ’نشی کانیا‘ اور ’موچک‘ شامل ہیں۔
اداکارہ نے بنگالی سنیما کے علاوہ ہندی فلموں میں بھی کام کیا۔ ان کی ہندی فلموں میں ’خان دوست‘، ’سفید جھوٹ‘، ’دل لگی‘ اور ’دو لڑکے دونوں کڑکے‘ شامل ہیں۔
ایشین گیمز: پاکستان ویمنز ٹیم نے برانز میڈل جیت لیا
فلمی دنیا سے خراج عقیدت
میتھو مکھرجی کے انتقال پر آل انڈیا سنیما ورکرز ایسوسی ایشن نے انہیں خراج عقیدت پیش کیا۔
ایسوسی ایشن کے مطابق بھارتی فلمی دنیا میں اداکارہ کی خدمات اور ان کا چھوڑا ہوا ورثہ ہمیشہ یاد رکھا جائے گا۔
