اسسٹنٹ کمشنر صدر حاظم بھنگوار نے چارج سنبھالتے ہی کارروائیاں شروع کردیں۔ صدر سب ڈویژن میں غیر قانونی پارکنگ اور تجاوزات کے خلاف آپریشن کیا گیا۔
اسسٹنٹ کمشنر کے مطابق چارج سنبھالنے کے پہلے گھنٹے میں غیر قانونی پارکنگ کے خلاف کارروائی کی گئی۔ اس دوران 7 افراد کو گرفتار کیا گیا۔
انہوں نے بتایا کہ گرفتار افراد کے خلاف ایف آئی آر درج کرادی گئی ہیں۔ غیر قانونی پارکنگ کے خاتمے کے لیے کارروائیاں جاری رہیں گی۔
فٹ پاتھوں سے تجاوزات ختم
حاظم بھنگوار کے مطابق صدر کے مختلف بازاروں میں بھی کارروائی کی گئی۔ فٹ پاتھوں پر قائم تجاوزات کو ہٹا دیا گیا۔
انہوں نے بتایا کہ یہ کارروائی سافٹ اینٹی انکروچمنٹ ڈرائیو کے تحت کی گئی۔ شہریوں کی آمدورفت میں رکاوٹ بننے والی تجاوزات کے خلاف مزید کارروائی ہوگی۔
بھکاریوں اور منشیات کے عادی افراد کے خلاف کارروائی
اسسٹنٹ کمشنر صدر نے بتایا کہ کارروائی کے دوران بھکاریوں اور منشیات کے عادی افراد کو بھی تحویل میں لیا گیا۔
ان افراد کو بحالی کے لیے متعلقہ این جی او کے حوالے کردیا گیا۔
حاظم بھنگوار کا کہنا ہے کہ صدر میں غیر قانونی پارکنگ اور تجاوزات کے خلاف کارروائیاں قانون کے مطابق جاری رہیں گی۔
