منشیات اسمگلنگ کی کوشش موٹروے ایم ٹو پر ناکام بنادی گئی۔ ترجمان موٹروے پولیس کے مطابق کلر کہار کے قریب کارروائی میں بھاری مقدار میں منشیات برآمد ہوئی۔
ترجمان کے مطابق موٹروے پولیس افسران نے دو مشکوک گاڑیوں کو روکنے کی کوشش کی۔ تاہم ملزمان گاڑیاں چھوڑ کر موقع سے فرار ہوگئے۔
243 کلوگرام منشیات برآمد
موٹروے پولیس کے مطابق دونوں گاڑیوں سے مجموعی طور پر 243 کلوگرام منشیات برآمد ہوئی۔
برآمد شدہ منشیات میں 155 کلوگرام افیون شامل ہے۔ اس کے علاوہ 88 کلوگرام چرس بھی برآمد کی گئی۔
منشیات خیبر پختونخوا سے پنجاب منتقل ہونے کا شبہ
ترجمان موٹروے پولیس کے مطابق منشیات مبینہ طور پر خیبر پختونخوا سے پنجاب منتقل کی جا رہی تھیں۔
فرار ہونے والے ملزمان کی تلاش جاری ہے۔ پولیس نے دونوں گاڑیوں کو قبضے میں لے لیا ہے۔
منشیات اور گاڑیاں اے این ایف کے حوالے
ترجمان کے مطابق برآمد شدہ منشیات اور دونوں گاڑیاں قانونی کارروائی کے لیے اینٹی نارکوٹکس فورس (اے این ایف) کے حوالے کردی گئی ہیں۔
مزید قانونی کارروائی اور تحقیقات متعلقہ ادارے کریں گے۔
