جعلی پولیس افسر بن کر شہریوں کو دھوکہ دینے والے ملزم کو ملیر کینٹ پولیس نے گرفتار کرلیا۔ پولیس کے مطابق ملزم پولیس کی شناخت کا ناجائز استعمال کر رہا تھا۔
گرفتار ملزم کی شناخت وقار حسین منگی ولد عبدالخالق منگی کے نام سے ہوئی۔
پولیس کے مطابق ملزم کے قبضے سے سب انسپکٹر رینک کا جعلی پولیس سروس کارڈ برآمد ہوا۔ پولیس نے یونیفارم میں بنائی گئی ملزم کی ایک تصویر بھی تحویل میں لے لی۔
مقدمہ درج، تفتیش جاری
ملیر کینٹ پولیس نے ملزم کے خلاف مقدمہ درج کرلیا ہے۔ پولیس نے گرفتار ملزم کو مزید قانونی کارروائی کے لیے تفتیشی حکام کے حوالے کردیا۔
پولیس کے مطابق واقعے سے متعلق مزید تفتیش جاری ہے۔
