ستمبر 1965 کی جنگ کے آٹھویں روز بھارتی فضائیہ نے پاکستانی شہری اور غیر فوجی تنصیبات کو نشانہ بنایا۔
وزیرآباد، چنیوٹ اور سرگودھا کی شہری آبادی بھی حملوں کی زد میں آئی۔ سیالکوٹ کے ہسپتال اور ضلعی عدالتیں بھی بھارتی فضائی حملوں کا نشانہ بنیں۔
پاک فوج نے بروقت جوابی کارروائی کی۔ فوج نے بھارتی دستوں کو لاہور اور سیالکوٹ کے علاقوں سے پیچھے دھکیل دیا۔
سیالکوٹ کے محاذ پر پاک فوج نے بھارتی فوج کے 21 ٹینک ناکارہ بنا دیے۔ فوج نے بھارتی فوجی سازوسامان بھی قبضے میں لیا۔
پاک فوج کی کارروائیوں کے دوران بڑی تعداد میں شہری گھروں سے باہر نکل آئے۔ شہریوں نے اپنی فوج کے حق میں نعرے لگائے اور حوصلہ بڑھایا۔
جنگ کے دوران بھارتی فوج کو بھاری نقصان اٹھانا پڑا۔ سری نگر اور کارگل کے درمیان تقریباً تین میل طویل سڑک بھی تباہ کردی گئی۔
پاکستان نیوی نے بھی بحری محاذ پر کارروائی کی۔ 12 گھنٹے کے آپریشن کے بعد دوارکا کے بحری اڈے اور ریڈار اسٹیشن کو نشانہ بنایا گیا۔
دوسری جانب پاک فضائیہ نے لدھیانہ کے قریب ہلواڑہ میں بھارتی فضائی اڈوں پر حملہ کیا۔
جنگ کے دوران پاک فضائیہ کی کارروائیوں میں بھارتی فضائیہ کے متعدد طیارے تباہ ہوئے۔
