اسٹریٹ کرمنل پاکستان بازار پولیس کی کارروائی، مطلوب ملزم گرفتار

پاکستان بازار پولیس نے کارروائی کرتے ہوئے مطلوب اسٹریٹ کرمنل بلال ولد سلطان کو گرفتار کرلیا۔

پولیس کے مطابق کارروائی سیکٹر 14/B میں خفیہ اطلاع پر کی گئی۔ ملزم کے قبضے سے غیر قانونی اسلحہ، ایمونیشن اور نقدی رقم برآمد ہوئی۔

پولیس کے مطابق گرفتار ملزم کا نام مطلوب اسٹریٹ کرمنلز کی فہرست میں شامل ہے۔

ملزم کے خلاف سندھ اسلحہ ایکٹ کے تحت مقدمہ درج کرلیا گیا۔ پولیس نے مزید تفتیش شروع کردی ہے۔

ملزم کا سابقہ ریکارڈ

پولیس کے مطابق بلال پہلے بھی مختلف مقدمات میں گرفتار ہوکر جیل جا چکا ہے۔

اس کے خلاف تھانہ مومن آباد اور تھانہ پاکستان بازار میں مقدمات درج ہیں۔

ملزم کے خلاف 2022 میں ایف آئی آر نمبر 198/2022 درج ہوئی۔ مقدمہ سندھ اسلحہ ایکٹ کی دفعہ 381-A کے تحت درج کیا گیا۔

2024 میں ملزم کے خلاف تھانہ پاکستان بازار میں تین مقدمات درج ہوئے۔

ان میں ایف آئی آر نمبر 189/2024 میں دفعہ 380 تعزیرات پاکستان شامل ہے۔

ایف آئی آر نمبر 432/2024 میں دفعات 353، 324 اور 34 تعزیرات پاکستان شامل ہیں۔

ایف آئی آر نمبر 433/2024 سندھ اسلحہ ایکٹ کی دفعہ 23-I-A کے تحت درج کی گئی تھی۔

پولیس کے مطابق ملزم کے خلاف مزید تفتیش جاری ہے۔