قلات آپریشن میں سکیورٹی فورسز نے 12 دہشت گردوں کو ہلاک کرنے کا دعویٰ کیا ہے۔ آئی ایس پی آر کے مطابق ہلاک افراد کا تعلق فتنہ الہندوستان سے تھا۔
پاک فوج کے شعبہ تعلقات عامہ (آئی ایس پی آر) کے مطابق فورسز نے ضلع قلات میں دہشت گردوں کے ٹھکانے کا سراغ لگایا۔ اس کے بعد وہاں کارروائی کی گئی۔
آئی ایس پی آر کے مطابق کارروائی میں 12 دہشت گرد ہلاک ہوئے۔ فورسز نے ٹھکانے سے بڑی مقدار میں اسلحہ اور گولہ بارود بھی برآمد کیا۔
دریں اثنا ضلع کچھی کے علاقے بھاگ میں بھی سکیورٹی فورسز نے کارروائی کی۔ فورسز نے دہشت گردوں کا حملہ ناکام بنا دیا۔
آئی ایس پی آر کے مطابق اس کارروائی میں بھی متعدد دہشت گرد ہلاک ہوئے۔ فورسز نے ٹھکانے پر موجود آئی ای ڈیز اور گولہ بارود تباہ کردیا۔
سکیورٹی فورسز نے علاقے میں کلیئرنس آپریشن جاری رکھا ہوا ہے۔ آئی ایس پی آر کا کہنا ہے کہ دہشت گردی کے خلاف کارروائیاں جاری رہیں گی۔
صدر آصف علی زرداری اور وزیراعظم شہباز شریف نے قلات کارروائی کو سراہا۔ انہوں نے سکیورٹی فورسز کے افسران اور اہلکاروں کو خراج تحسین پیش کیا۔
صدر اور وزیراعظم نے کہا کہ دہشت گردی کے مکمل خاتمے تک جنگ جاری رہے گی۔ انہوں نے ملک کے دفاع کے لیے قوم کے عزم کا بھی اظہار کیا۔
وزیراعلیٰ پنجاب مریم نواز اور وزیراعلیٰ بلوچستان سرفراز بگٹی نے بھی کارروائی کو سراہا۔ دونوں رہنماؤں نے بلوچستان کے امن کے خلاف سازشیں ناکام بنانے کے عزم کا اظہار کیا۔
