پاکستان انڈر 19 ٹیم کے کپتان فرحان یوسف نے کہا ہے کہ ٹیم نے انگلش کنڈیشنز کے مطابق اچھی تیاری کی ہے اور تمام کھلاڑی پُرجوش ہیں۔
فرحان یوسف کے مطابق ملتان کی مشکل کنڈیشنز میں ٹیم کی تیاری اچھی رہی۔ اب انگلینڈ کے موسم اور حالات سے جلد ہم آہنگ ہونا اہم ہوگا۔
انہوں نے کہا کہ ٹیم میں اچھی ہم آہنگی موجود ہے۔ کھلاڑی انگلینڈ کے دورے کے لیے ذہنی اور جسمانی طور پر تیار ہیں۔
پاکستان انڈر 19 ٹیم ارنڈیل میں 2 سے 5 ستمبر تک یوتھ ٹیسٹ کھیلے گی۔ اس کے بعد ٹیم انگلینڈ کے خلاف 9 سے 16 ستمبر تک چار ایک روزہ میچز بھی کھیلے گی۔
