سندھ میں سب رجسٹرارز کی جانب سے ترقی نہ لینے کے معاملے پر وزیراعلیٰ سندھ نے نوٹس لے لیا۔ وزیراعلیٰ نے سینئر ممبر بورڈ آف ریونیو سے اس معاملے کی تفصیلات طلب کرلی ہیں۔
ذرائع کے مطابق گزشتہ دنوں سندھ کے 63 سب رجسٹرارز نے ترقی لینے سے انکار کیا تھا۔ اس معاملے کا وزیراعلیٰ سندھ نے نوٹس لیا اور متعلقہ حکام سے رپورٹ طلب کی۔
افسران کو قواعد کے مطابق ترقی ملے گی
وزیراعلیٰ سندھ کے نوٹس کے بعد ترقی کا عمل روکنے کی بجائے قواعد کے مطابق آگے بڑھانے کا فیصلہ کیا گیا ہے۔
ترقی نہ لینے والے افسران کو اب مقررہ قواعد کے تحت ترقی دی جائے گی۔ اس حوالے سے نوٹیفکیشن بھی جاری کردیا گیا ہے۔
