آئی سی سی نے بھارتی بیٹر یشسوی جیسوال اور سری لنکن بولر اسیتھا فرنینڈو کو ضابطہ اخلاق کی خلاف ورزی پر جرمانہ کردیا۔
آئی سی سی کے مطابق دونوں کھلاڑیوں پر میچ فیس کا 25 فیصد جرمانہ عائد کیا گیا ہے۔ دونوں کو ایک ایک ڈی میرٹ پوائنٹ بھی ملا ہے۔
یہ کارروائی سری لنکا کے خلاف دوسرے ٹیسٹ میچ کے دوران پیش آنے والے واقعے پر کی گئی۔ میچ میں یشسوی جیسوال اور اسیتھا فرنینڈو کے درمیان تلخ کلامی ہوئی تھی۔
آئی سی سی کے مطابق جیسوال نے اسیتھا فرنینڈو کے ساتھ جسمانی طور پر الجھنے کی کوشش بھی کی تھی۔ دونوں کھلاڑیوں کے رویے کو آئی سی سی کوڈ آف کنڈکٹ کی خلاف ورزی قرار دیا گیا۔
