زیارت، ہرنائی اور سوراب میں انٹیلی جنس بیسڈ آپریشنز کیے گئے۔ سکیورٹی ذرائع کے مطابق دہشتگردوں کے ٹھکانے بھی تباہ کیے گئے۔
بلوچستان میں آپریشن ردالفتنہ 3 کے تحت دہشتگردوں کے خلاف کارروائیاں کی گئیں۔ سکیورٹی ذرائع کے مطابق 9 سے زائد دہشتگرد ہلاک ہوئے۔
سکیورٹی فورسز نے زیارت، ہرنائی اور سوراب میں انٹیلی جنس بیسڈ آپریشنز کیے۔
ذرائع کے مطابق زیارت اور ہرنائی کے درمیان پہاڑی علاقے میں کارروائی کی گئی۔ فورسز نے دہشتگردوں کے ٹھکانے کو گھیرے میں لیا۔
کارروائی کے دوران 8 دہشتگرد ہلاک ہوئے۔ فورسز نے دہشتگردوں کے ٹھکانے بھی تباہ کردیے۔
سکیورٹی ذرائع کے مطابق سوراب میں دہشتگردوں کی نقل و حرکت کا سراغ لگایا گیا۔ یہ نقل و حرکت دشت کٹائی اور حاجیکہ کے درمیان دیکھی گئی۔
فورسز نے حاجیکہ گاؤں میں کارروائی کی۔ اس دوران ایک دہشتگرد ہلاک ہوگیا۔
ذرائع کے مطابق ہلاک دہشتگردوں سے ایمونیشن اور میگزین برآمد ہوئے۔ فورسز نے دستی بم اور واکی ٹاکی بھی قبضے میں لیے۔
کارروائی کے دوران ایک موٹرسائیکل اور دیگر سامان بھی برآمد ہوا۔
سکیورٹی فورسز نے دہشتگردی کے خاتمے کا عزم ظاہر کیا ہے۔ فورسز نے دیرپا امن تک کارروائیاں جاری رکھنے کا اعلان کیا۔
