کراچی میں سونے کی قیمت میں دو روز کے وقفے کے بعد عالمی اور مقامی مارکیٹوں میں دوبارہ اضافہ ریکارڈ کیا گیا ہے۔
بین الاقوامی بلین مارکیٹ میں فی اونس سونے کی قیمت 20 ڈالر بڑھ کر 4 ہزار 395 ڈالر ہوگئی۔ عالمی مارکیٹ میں اضافے کے اثرات مقامی صرافہ مارکیٹ پر بھی پڑے، جہاں فی تولہ سونے کی قیمت 2 ہزار روپے اضافے سے 4 لاکھ 61 ہزار 936 روپے ہوگئی۔
اسی طرح 10 گرام سونے کی قیمت میں 1 ہزار 715 روپے کا اضافہ ہوا، جس کے بعد یہ 3 لاکھ 96 ہزار 35 روپے کی سطح پر پہنچ گئی۔
چاندی کی قیمت میں بھی اضافہ ہوا۔ مقامی مارکیٹ میں فی تولہ چاندی 80 روپے مہنگی ہوکر 7 ہزار 29 روپے ہوگئی، جبکہ 10 گرام چاندی کی قیمت 69 روپے بڑھ کر 6 ہزار 26 روپے ہوگئی۔
