خاران کے علاقے لجے میں سکیورٹی فورسز نے انٹیلی جنس بیسڈ آپریشن کیا۔ سکیورٹی ذرائع کے مطابق کارروائی میں فتنہ الخوارج کے 7 دہشتگرد ہلاک ہوگئے۔
ذرائع کے مطابق فورسز نے دہشتگردوں کی موجودگی کی اطلاع پر آپریشن شروع کیا۔ کارروائی کے دوران متعدد دہشتگرد زخمی بھی ہوئے۔
سکیورٹی ذرائع کے مطابق دہشتگردوں کے ٹھکانوں سے جدید اسلحہ اور گولہ بارود ملا۔ فورسز نے دیگر جنگی سامان بھی قبضے میں لے لیا۔
دہشتگردوں کے ٹھکانے تباہ
سکیورٹی ذرائع کے مطابق کارروائی کے دوران ایک موٹر سائیکل اور دو گاڑیاں بھی برآمد ہوئیں۔ فورسز نے دہشتگردوں کے ٹھکانوں کو مکمل طور پر تباہ کردیا۔
ذرائع کا کہنا ہے کہ ہلاک دہشتگرد بھتہ خوری اور اغوا میں ملوث تھے۔ وہ ٹارگٹ کلنگ کی وارداتوں میں بھی ملوث رہے۔
سکیورٹی ذرائع کے مطابق دہشتگرد خودکش حملوں کی منصوبہ بندی بھی کررہے تھے۔
بلوچستان میں کارروائیاں جاری
سکیورٹی ذرائع کے مطابق آپریشن ردالفتنہ 3 کے تحت کارروائیاں جاری ہیں۔ فورسز دہشتگردی کے خاتمے کے لیے مختلف علاقوں میں انٹیلی جنس بیسڈ آپریشن کررہی ہیں۔
گزشتہ روز بھی خضدار میں سکیورٹی فورسز نے کارروائی کی تھی۔ ذرائع کے مطابق اس آپریشن میں فتنہ الہندوستان کے 10 دہشتگرد ہلاک ہوئے تھے۔
