30 ستمبر تک آئی سی سی رینکنگ کی ٹاپ 8 ٹیمیں براہِ راست کوالیفائی کریں گی۔ میزبان جنوبی افریقا اور زمبابوے بھی براہِ راست ورلڈکپ کھیلیں گے۔
افغانستان نے آئرلینڈ کو شکست دے کر براہِ راست ورلڈکپ میں جگہ بنا لی ہے۔ اس کامیابی کے بعد افغانستان ٹاپ 8 میں اپنی جگہ یقینی بنا چکا ہے۔
آسٹریلیا، بھارت، نیوزی لینڈ، پاکستان، سری لنکا، انگلینڈ، بنگلہ دیش اور افغانستان براہِ راست کوالیفائی کرچکے ہیں۔ جنوبی افریقا اور زمبابوے میزبان کی حیثیت سے پہلے ہی شامل ہیں۔
ویسٹ انڈیز اس وقت رینکنگ میں دسویں نمبر پر ہے۔ بھارت کے خلاف آئندہ ون ڈے میچز بھی ٹیم کی براہِ راست رسائی کے لیے کافی نہیں ہوں گے۔
ویسٹ انڈیز کو اب فروری میں ورلڈکپ کوالیفائر کھیلنا ہوگا۔ یہ مسلسل تیسرا ورلڈکپ ہوگا جس کے لیے ٹیم کو کوالیفائر کا راستہ اختیار کرنا پڑے گا۔
ویسٹ انڈیز 2023 کے ورلڈکپ میں بھی جگہ نہیں بنا سکی تھی۔ یہ پہلی مرتبہ تھا کہ ٹیم ورلڈکپ کے لیے کوالیفائی کرنے میں ناکام رہی۔
نئے فارمیٹ کے تحت کوالیفائر کی فاتح ٹیم براہِ راست دوسرے مرحلے میں پہنچے گی۔ دوسرے سے چوتھے نمبر کی ٹیمیں سپر سیریز کھیلیں گی۔ اس مرحلے کی ٹاپ ٹیم بھی ورلڈکپ کے دوسرے راؤنڈ میں پہنچے گی۔
