گندم اجلاس میں ڈپٹی وزیراعظم اسحاق ڈار نے ملک میں گندم کی صورتحال کا جائزہ لیا۔ اجلاس میں سندھ کے وزیر خوراک مخدوم محبوب الزمان نے ویڈیو لنک کے ذریعے شرکت کی۔
اجلاس میں پنجاب، بلوچستان اور خیبر پختونخوا کے چیف سیکریٹریز بھی شریک ہوئے۔ وزارتِ خارجہ کے افسران، چیئرمین سی ایم ٹی آئی، سیکریٹری خوراک اور دیگر حکام بھی موجود تھے۔
مخدوم محبوب الزمان نے سندھ میں گندم کے ذخائر پر بریفنگ دی۔ انہوں نے طلب و رسد اور آٹے کی قیمتوں سے متعلق بھی آگاہ کیا۔
انہوں نے کہا کہ سندھ حکومت ذخیرہ اندوزی کے خلاف مؤثر کارروائیاں کر رہی ہے۔ حکومت آٹے کی قیمتوں میں استحکام کے لیے بھی اقدامات جاری رکھے ہوئے ہے۔
صوبائی وزیر نے کہا کہ گندم کی مسلسل فراہمی یقینی بنانا اولین ترجیح ہے۔ اس مقصد کے لیے وفاق اور تمام صوبوں کے درمیان قریبی تعاون ضروری ہے۔
اجلاس کے شرکا نے گندم کی دستیابی کا بھی جائزہ لیا۔ انہوں نے عوام کو بروقت فراہمی یقینی بنانے کے مختلف اقدامات پر تبادلۂ خیال کیا۔
