کمیڈا کے مرکزی دفتر میں اہل سنت والجماعت کے رہنما مفتی مولانا اورنگزیب فاروقی نے دورہ کیا۔ کمیڈا کے صدر محمد منہاج گلفام، جنرل سیکرٹری عابد سوریا، نائب صدر خرم باوانی، ممبر منیجنگ کمیٹی مظفر صدیقی اور دیگر عہدیداروں نے ان کا استقبال کیا۔
ملاقات میں تاجر برادری کو درپیش مسائل پر تفصیلی گفتگو ہوئی۔ شرکاء نے مارکیٹوں کی بہتری، باہمی تعاون اور تنظیمی امور پر بھی تبادلۂ خیال کیا۔ مقررین نے تاجروں کے حقوق کے تحفظ کے لیے مشترکہ کوششیں جاری رکھنے پر اتفاق کیا۔
مفتی مولانا اورنگزیب فاروقی نے صدر کمیڈا محمد منہاج گلفام اور ان کی کابینہ کی خدمات کو سراہا۔ انہوں نے کہا کہ تنظیم نے موبائل مارکیٹوں اور تاجر برادری کے مسائل اجاگر کرنے میں مؤثر کردار ادا کیا ہے۔
تقریب میں کراچی بھر سے کمیڈا کے عہدیداران اور نمائندوں نے شرکت کی۔ پروگرام کے انتظامات نائب صدر خرم باوانی نے کیے، جنہیں شرکاء نے خراجِ تحسین پیش کیا۔
تقریب کے اختتام پر شرکاء نے اتحاد، باہمی تعاون اور تاجر برادری کے حقوق کے تحفظ کے لیے مشترکہ جدوجہد جاری رکھنے کے عزم کا اعادہ کیا۔
