ڈی آئی خان کے علاقے درابن میں پولیس وین پر مسلح افراد کے حملے میں ایک اے ایس آئی سمیت دو پولیس اہلکار شہید ہو گئے۔ پولیس کے مطابق حملہ اس وقت ہوا جب نفری دہشت گردوں کی موجودگی کی اطلاع پر کارروائی کے لیے جا رہی تھی۔
حملہ کہاں ہوا؟
سی ٹی ڈی حکام کے مطابق واقعہ درابن کے علاقے شاہ عالم موڑ پر پیش آیا۔
پولیس وین معمول کی کارروائی کے لیے جا رہی تھی کہ مسلح افراد نے اس پر فائرنگ کر دی۔
دو اہلکار شہید
حکام کے مطابق حملے میں ایک اے ایس آئی سمیت دو پولیس اہلکار شہید ہوئے۔
واقعے کے بعد پولیس نے فوری جوابی کارروائی کی۔
ملزمان فرار ہوگئے
سی ٹی ڈی کے مطابق پولیس کی جوابی فائرنگ کے باوجود حملہ آور فرار ہونے میں کامیاب ہوگئے۔
سکیورٹی فورسز نے علاقے میں سرچ آپریشن شروع کر دیا ہے، جبکہ ملزمان کی تلاش جاری ہے۔
