بریگیڈ پولیس نے جرائم پیشہ عناصر کے خلاف مختلف کارروائیوں میں تین ملزمان کو گرفتار کر لیا۔ پولیس نے یہ کارروائیاں خفیہ اطلاع کی بنیاد پر شہر کے مختلف علاقوں میں کیں۔
پولیس کے مطابق گرفتار ملزمان میں ایک اسٹریٹ کرمنل، ایک شراب فروش اور ایک گٹکا و ماوا فروش شامل ہے۔ ملزمان کی شناخت احسن محمود، نوئیل رونلڈ جوزیف اور شاہد علی کے ناموں سے ہوئی۔
حکام کے مطابق گرفتاریاں تاج کمپلیکس، لائنز ایریا اور پریڈی اسٹریٹ، لائنز ایریا سے عمل میں آئیں۔ کارروائیوں کے دوران پولیس نے ملزمان کے قبضے سے غیر قانونی اسلحہ بھی برآمد کیا۔
پولیس نے 16 بوتلیں شراب، 106 پیکٹ سفینہ گٹکا اور 33 پیکٹ انڈین عاداب گٹکا بھی قبضے میں لیے۔ اس کے علاوہ فیروز آباد کے علاقے سے چوری ہونے والی ایک موٹر سائیکل بھی برآمد کر لی گئی۔
پولیس نے ملزمان کے خلاف متعلقہ دفعات کے تحت مقدمات درج کر لیے ہیں۔ حکام کے مطابق مزید تفتیش جاری ہے۔ پولیس ملزمان کے سابقہ مجرمانہ ریکارڈ کی بھی جانچ کر رہی ہے۔
