فیفا ورلڈکپ 2026 کے پہلے کوارٹر فائنل میں فرانس نے مراکش کو 0-2 سے شکست دے کر سیمی فائنل کے لیے کوالیفائی کر لیا۔ فرانس مسلسل تیسری مرتبہ ورلڈ کپ کے سیمی فائنل میں پہنچنے والی ٹیم بن گئی۔
فرانس کی شاندار فتح
بوسٹن اسٹیڈیم میں کھیلے گئے میچ میں فرانس نے آغاز ہی سے جارحانہ کھیل پیش کیا۔ پہلے ہاف میں دونوں ٹیمیں کوئی گول نہ کر سکیں۔
فرانس کو پہلے ہاف میں ایک پینلٹی بھی ملی۔ تاہم کپتان کیلیان ایمباپے کی کک مراکش کے گول کیپر نے روک لی۔
دوسرے ہاف میں فرانس نے کھیل کا رخ اپنے حق میں موڑ دیا۔ 60ویں منٹ میں ایمباپے نے گول کرکے ٹیم کو برتری دلائی۔
صرف چھ منٹ بعد، 66ویں منٹ میں عثمان ڈیمبیلے نے دوسرا گول کر کے فرانس کی برتری 0-2 کر دی۔
مراکش کو 82ویں منٹ میں فری کک ملی، لیکن فرانسیسی گول کیپر نے عمدہ بچاؤ کیا۔ بعد ازاں مراکش کو ایک اور موقع ملا، مگر وہ بھی گول میں تبدیل نہ ہو سکا۔
ایمباپے کا نیا ریکارڈ
اس میچ کے بعد ایمباپے کے رواں ورلڈ کپ میں گولز کی تعداد 8 ہو گئی ہے۔
وہ فیفا ورلڈ کپ کے دو مختلف ایڈیشنز میں 8، 8 گول کرنے والے پہلے فٹبالر بن گئے ہیں۔ انہوں نے 2022 کے قطر ورلڈ کپ میں بھی 8 گول کیے تھے۔
